វិធីធ្វើបង្អែម តៅស៊ាន់
- ស្ករស ៦ ស្លាព្រាបាយ
- ម្សៅឆា ៣០ ក្រាម
- ម្សៅដំឡូង ២០ ក្រាម
- សណ្តែកបាយលឿង ២៥០ ក្រាម
- ស្លឹកតយ ២ ទៅ ៣ សន្លឹក
- ឆាខ្វៃ ១ គូ
- ទឹកធម្មតា ១ លីតកន្លះ
- ទឹកខ្ទិះដូងដើមមួយកូនពែង
វិធីធ្វើ៖
១. ដំបូងអ្នកត្រូវត្រាំសណ្តែកឲ្យបានរីកសិនប្រហែលជា ១០ ទៅ ១៥ នាទី បន្ទាប់មកធ្វើការលាងវាឲ្យស្អាត។ ដាក់ឆាសណ្តែកឲ្យក្រហមដោយបន្ថែមស្ករស ២ស្លាបព្រាបន្តការលីងវាឲ្យក្រហម(ដើម្បីឲ្យបង្អែមមានសោភ័ណភាព និងសណ្តែកមិនស្លេក)។
២. ដាក់ដាំទឹកក្នុងឆ្នាំងមួយ ដោយមានបង់ស្លឹកតយចូល រង់ចាំឲ្យវាពុះរហូតដល់ទឹកមានពណ៌ខៀវ។ អ្នកត្រូវបន្ថែមសណ្តែកចូលរង់ចាំរយៈពេល ៥ ទៅ ៧ នាទីដើម្បីឲ្យសណ្តែករីក។
៣. ដាក់ម្សៅទាំងពីរប្រភេទចូលទៅក្នុងកូនចានមួយ ដែលមានទឹកធម្មតានៅក្នុងនោះ កូរឲ្យសព្វ។ប្រសិនបើអ្នកដាក់ម្សៅចូលទៅក្នុងឆ្នាំងដោយមិនបានកូរ វានឹងមានលក្ខណៈឆ្អិនដុំៗ កូរមិនសព្វ
កកសាច់ម្សៅនៅខាងក្រោម។ រួចចាក់ចូលទៅក្នុងឆ្នាំង ដែលកំពុងតែដាំសណ្តែក ។កូរឲ្យសព្វបន្ថែមស្ករសចូល ៣ស្លាបព្រា។ រង់ចាំឲ្យបង្អែមមានលក្ខណៈខាប់ដាក់ចុះជាការស្រេច។
៤. នៅពេលដែលអ្នកញ៉ាំអ្នកគួតែមានបន្ថែមទឹកខ្ទិះពីលើបន្ទាប់មកហាន់ឆាខ្វៃពីរទៅ ៣ ដុំ៕
ប្រភពពី ៖ cool1007
Post a Comment