ក្ដាមឆាម្រេចខ្ចី

គ្រឿងផ្សំ៖

• ក្ដាមថ្ម
• ម្រេចខ្ចី ខ្ទឹមបារាំង
• ដើមខ្ទឹម ស្លឹកខ្ទឹម
• ខ្ទឹមសចិញ្ច្រាំ ស្លឹកជីវាន់ស៊ុយ
• អំបិល ទឹកត្រី ស្ករស ម្សៅស៊ុប ទឹកសីុអីុវ និង ម្សៅឆា

វិធីធ្វើ៖

1.  ក្ដាមបកសម្បកចេញ លាងទឹកអោយស្អាត កាត់ជាដុំតូចៗល្មម ដង្កៀបក្ដាមដំអោយទក់បន្តិច
2. ខ្ទឹមបារាំងពុះជាបណ្ដោយ បកជាស្រទាប់តូចល្មម ដើមខ្ទឹមកាត់ប្រហែលពីរថ្នាំងដៃ ពុះជាពីរ ចំណែកស្លឹកកាត់ប្រវែងគ្នា
3.  យកម្សៅឆាបន្តិច លាយជាមួយទឹក កូរអោយសព្វ រួចទុកមួយអន្លើរ
4. ដាក់ខ្លាញ់ចូលក្នុងខ្ទះទុកអោយក្ដៅ ដាក់ខ្ទឹមសបំពងអោយឈ្ងុយ រួចដាក់ក្ដាម ម្រេចខ្ចី ទឹកត្រី ទឹកសីុអីុវ ស្ករស ម្សៅស៊ុប ឆាត្រលប់ចុះត្រលប់ឡើង អោយចូលជាតិ ( អាចបន្ថែមទឹកបន្តិចបើសិនស្ងួតពេក )
5. មើលល្មមតែជិតឆ្អិន ទើបដាក់ខ្ទឹមបារាំងឆាចូលគ្នា ហើយដាក់ម្សៅឆា ( ដែលលាយទុក ) ចូល ដាក់ដើមខ្ទឹម ត្រលប់ចូលគ្នាអោយសព្វ រួចភ្លក់មើលអោយល្មម តាមការនិយមចូលចិត្ត សឹមដាក់ស្លឹកខ្ទឹម រួចដួសដាក់ចាន និងលំអដោយការដាក់ស្លឹកជីវ៉ាន់ស៊ុយពី់លើ រួចជាការស្រេច ។

វីដេអូ​ ឆាក្តាមជាមួយស្លឹកខ្ទឹម៖

រក្សាសិទ្ធិដោយ៖  មុខម្ហូបប្រចាំគ្រួសារ