ខសាច់ជ្រូក

គ្រឿងផ្សំ៖

• សាច់ជ្រូកបីជាន់
• ពងទា
• ស្ករ អំបិល ទឹកត្រី ម្រេច
• ផ្កាចាន់ ឬ ប៉ូចកាក់
• ទំពាំង ឬ ស្ពៃជ្រក់

វិធីធ្វើ៖

1. ដាំទឹកអោយពុះ រួចកាត់ សាច់ជ្រូកបីជាន់ ស្ងោរជាកង់ៗ ដាក់ដាំ អោយពុះ ៥ទៅ១០នាទី។ ស្រង់ចេញ ហើយលាងអោយស្អាត។
2. ស្ងោរពងទា អោយឆ្អិន រួចស្រង់ចេញ ហើយបកសំបក អោយស្អាត។
3. កម្លោចស្ករ អោយក្រហម រួចបង់អំបិល ទឹកត្រី និងម្រេចចូល កូរអោយសព្វទើបបង់សាច់ជ្រូកចូល កូរអោយសព្វ ទើបចាក់ទឹកចូល ដើម្បីរំងាស់ អោយចូលជាតិ។
4. នៅពេលទឹកពុះ ទើបបង់ពងទាចូល រួចរំងាស់ រហូតទាល់តែ ស្បែកជ្រូកផុយ។
5. បើចង់អោយឈ្ងុយ សូមបង់ផ្កាចាន់ ឬ ប៉ូចកាក់ ចូលថែម បីបួនផ្កា រំងាស់ជាមួយសាច់ជ្រូក រហូតដល់ខះទឹក ផុយស្បែក។ បើមិនផុយទេ ត្រូវចាក់ទឹកថែម រំងាស់អោយផុយ។ ពេលរំងាស់ សូមកុំបិទគម្របឆ្នាំង នាំអោយល្អក់ទឹក ទុកឆាប់ផ្អូម។
6. បើចង់អោយកាន់តែឆ្ងាញ់ អាចថែម ទំពាំង ឬ ស្ពៃជ្រក់ រំងាស់ក្នុងខ ដើម្បីអោយកាន់តែមានឱជារស។
7. ភ្លក្សថែមថយ តាមចំណូលចិត្ត។
8. ខសាច់ជ្រូកនេះ គេមិនដាក់ខ្ទឹមសទេ ព្រោះខ្ទឹមសធ្វើអោយទឹកខ ខាប់ឆាប់ផ្អូម។
9. ពេលខឆ្អិន លើកចុះ សូមទុកអោយត្រជាក់ ទើបបិទគម្របឆ្នាំង បើមិនដូច្នោះទេ នឹងឆាប់ផ្អូម ដូចគ្នា។

រក្សាសិទ្ធិដោយ៖ អ្នកស្រី កែវ ច័ន្ទបូរណ៍