សម្លរប្រហើរនំបញ្ចុក

គ្រឿងផ្សំ៖

• ត្រីរ៉ស់ ( ធ្វើអោយស្អាត យកស្រកាចេញ )
• គ្រឿងបុក ( ស្លឹកគ្រៃ រំដេង ខ្ជាយ ខ្ទឹមស រមៀត )
• ខ្ទិះដូង ( ខ្ទិះដើម និង ខ្ទិះចុង )
• ទឹកត្រី អំបិល ស្ករស ប៊ីចេង
• ប្រហុក ( ចិញ្ច្រាំអោយម៉ត់ )
• ស្លឹកខ្ទឹម ( ហាន់ខ្លីៗ )

វិធីធ្វើ៖

• យកត្រីទៅស្ងោក្នុងទឹកដាំពុះអោយឆ្អិន រួចស្រង់ចេញ ហើយបេះយកតែសាច់ត្រីចេញកុំអោយដោយឆ្អឹង
• យកត្រីដែលបេះរួច មកបុកជាមួយគ្រឿង ( កុំអោយម៉ត់ពេក ) រួចទុកមួយអន្លើរ
• យកទឹកដែលស្ងោជាមួយត្រីដែលនៅសល់នោះ មកដាក់ខ្ទិះចុងចូល រួចដាំអោយពុុះទើបជ្រុមប្រហុកចូល ហើយទុកអោយពុះម្ដងទៀត
• បន្ទាប់មកដាក់ត្រីដែលយើងបុកជាមួយគ្រឿង និងខ្ទិះដូង ( ដើម ) ចូល រួចកូរអោយសព្វ ទើបបន្ថែម ទឹកត្រី អំបិល ស្ករស ប៊ីចេង រួចភ្លក់មើលអោយល្មម តាមចំណង់ចំណូលចិត្ត ទុកអោយពុះនិងឆ្អិនចូលជាតិគ្នាហើយ រួចដាក់ស្លឹកខ្ទឹមចូល រួចជាការស្រេច ។