ឆាក្តៅសាច់មាន់

គ្រឿងផ្សំ៖

1. សាច់មាន់ ៣០០ក្រាម
2. គល់ស្លឹកគ្រៃ ១ដើម
3. ស្លឹកក្រូចសើច ៣សន្លឹក
4. ម្ទេសដៃនាង ៣ផ្លែ
5. គល់ខ្ទឹម ៣ដើម
6. ខ្ទឹមសរ ២កំពឹស
7. ជីម្រះព្រៅ ១ដើម

គ្រឿងផ្សំរស់ជាតិ៖

1. ទឹកប៉ាវហ៊ឺ ១/២ស្លាបព្រាកាហ្វេ
2. ម្សៅស៊ុបមាន់ ១/២ស្លាបព្រាកាហ្វេ
3. ស្កសរ ១/២ស្លាបព្រាកាហ្វេ
4. ទឹកត្រី ១ស្លាបព្រាកាហ្វេ
5. ប្រេងឆា ១ស្លាបព្រាបាយ

វិធីធ្វើ៖

1. យកមាន់ពន្លះយកឆ្អឹងចេញ កាត់ជាដុំៗប៉ុនមេដៃប្រលាក់គ្រឿង ម្សៅស៊ុបយកទៅបំពងខ្លាញ់ ស្រពាប់បន្តិច។
2. គល់ស្លឹកគ្រៃ ម្ទេសដៃនាងហាន់បញ្ឆិត ស្លឹកក្រូចសើចហាន់ឲ្យល្អិត ដើមខ្ទឹមកាត់កង់ៗ ជីម្រះព្រៅ បេះយកតែស្លឹក។
3. យកខ្ទះចាក់ខ្លាញ់ឲ្យក្តៅ ដាក់បំពងខ្ទឹមឲ្យឈ្ងុយ ឆាគល់ស្លឹកគ្រៃ ស្លឹកក្រូចសើច ម្ទេសទើបចាក់ សាច់មាន់ចូលបង់គ្រឿង ស្កសរ ទឹកត្រី ប្រេងខ្យងឆាត្រលប់ចុះត្រលប់ឡើងឲ្យស្ងួត​ទើបដាក់ ជីម្រះព្រៅ គល់ខ្ទឹមចូលជាការស្រេច។

របៀបរៀបដាក់ចាន៖

• យកចានរាងពងក្រពើ រៀបសាលាដដាក់ពីក្រោម ត្រសក់ជុំវិញដាក់សាច់មាន់ឆាចំកណ្តាលលំអរ ដោយផ្កាម្ទេស។