សម្លរម្ជូរយួន

គ្រឿងផ្សំ៖

• ប៉េងបោះ
• ក្រអៅឈូក
• ត្រលាច
• ម្នាស់
• ទឹកត្រី
• ម្សៅស៊ុប
• ស្ករស
• អំបិល និង អំពិលទុំ 
• ជីនាងវង
• ជីបន្លា
• ខ្ទឹមសចិញ្ច្រាំ

វិធីធ្វើ៖

1. ដាំទឹកអោយពុះ ហើយដាក់ត្រីចូល រួចទុកអោយពុះម្ដងទៀត ដាក់ទឹកត្រី ម្សៅស៊ុប អំបិល ស្ករស និងអំពិលទុំ ហើយភ្លក់មើលអោយល្មមតាមការចូលចិត្ត ។
2. បន្ទាប់មកដាក់ ក្រអៅឈូក ត្រលាច ម្នាស់ ទុកអោយពុះម្ដងទៀត ទើបដាក់ប៉េងបោះចូល ( កុំកូរខ្លាំងពេក ដើម្បីកុំអោយបែកសាច់ត្រី ) ទុកអោយឆ្អិនបន្លែបន្តិច ហើយភ្លក់មើលម្ដងទៀត បើត្រូវម៉ាត់ហើយ លើកចេញជាការស្រេច ។
3. ដាក់ខ្ទះចូលទុកអោយក្ដៅ ដាក់ប្រេងឆាបន្តិច រួចដាក់ខ្ទឹមសចិញ្ច្រាំចូល ទុកអោយឈ្ងុយរួចហើយ ចាក់ចូលក្នុងសម្លរដែលឆ្អិនហើយ ដាក់ជីនាងវង និង ជីបន្លា រួចជាការស្រេច ។

រក្សាសិទ្ធិដោយ៖  មុខម្ហូបប្រចាំគ្រួសារ