ប្រហុកចិញ្ច្រាំផ្លែក្រសាំង

ប្រហុក គឺជាម្ហូបម្យ៉ាងរបស់ប្រជាជនកម្ពុជា ថ្វីត្បិតថាវាជាមុខម្ហូបដ៏សាមញ្ញក៏ពិតមែនតែវាមានរសជាតិ ឈ្ងុយឆ្ងាញ់។ បើនៅតាមតំបន់ជនបទគេតែងតែប្រើវាសម្រាប់ដាក់នៅក្នុងសំល ឬក៏ជ្រលក់ផ្សេងៗថែមទៀត។ ខាងក្រោមនេះជាវិធីធ្វើនូវមុខម្ហូបម្យ៉ាង ដែលមានគ្រឿងផ្សំចេញពីប្រហុកឲ្យឈ្មោះថា ប្រហុកចិញ្រាំក្រសាំង។

ចិតបន្លែដែលជាអន្លក់ លាងឲ្យស្អាត រៀបដាក់ចាន ដោយត្រសក់ចិតជាឆូតៗ ពុះជាពីរជាបញ្ឆិៗ ចំណែកសណ្តែកគួកាច់ប្រវែង ២ ថ្នាំងដៃ។
ពុះក្រសាំងជាពីរយកសាច់ និងគ្រាប់ទុកមួយអន្លើ
លាងប្រហុកឲ្យស្អាត បន្ទាប់មកចិញ្ជ្រាំរហូតដល់ប្រហុកម៉ត់បន្ថែមក្រសាំងចូលចិញ្ជ្រាំ ឲ្យម៉ត់ ដាក់ជី, ស្កសរ ប៊ីចេង ចូលចិញ្រ្ចាំរហូតដល់ប្រហុកចូលជាតិគ្នា ភ្លក់មើលប្រសិនបើគិតថាល្មមជាការស្រេច៕

វិធីធ្វើម្ហូបខ្មែរ