ឆាសសៃកែងជូរហិរ

គ្រឿងផ្សំ៖

• សសៃកែង ( គោ )
• ទឹកប៉េងបោះ ទឹកម្ទេស ទឹកប្រេងខ្ចង
• ម្ទេសក្រៀម ( ចិញ្ច្រាំអោយម៉ត់ )
• ការ៉ុត ( ហាន់ស្ដើងៗល្មម )
• ខ្ទឹមបារាំង សណ្ដែងបារាំង
• ខ្ទឹមសចិញ្ច្រាំ
• ស្ករស ម្សៅស៊ុប
• ស្លឹកជីវ៉ាន់ស៊ុយ

វិធីធ្វើ៖

1. យកសាច់សសៃកែងទៅស្ងោអោយផុយ ( ប្រហែល 1 ម៉ោង ) រួចស្រង់ចេញ ហាន់តូចៗល្មម រួចទុកមួយអន្លើរ
2. ដាក់ខ្លាញ់ចូលក្នុងខ្ទះ រួចដាក់ខ្ទឹមសបំពងចូលអោយរៀងឈ្ងុយបន្តិច ហើយដាក់ម្ទេសក្រៀម កូរអោយឡើងក្រហម បន្ទាប់មក ដាក់ ទឹកម្ទេស ទឹកប៉េងបោះ ទឹកប្រេងខ្ចង ស្ករស ម្សៅស៊ុប ( បើស្ងួត អាចបន្ថែមទឹកបន្តិច ) រួចកូរចូលគ្នាអោយអោយសព្វ ភ្លក់មើលអោយល្មម តាមការចូលចិត្ត
3. បន្ទាប់មកដាក់សសៃកែងចូល ខ្ទឹមបារាំង សណ្ដែកបារាំង ការ៉ុត រួចច្របល់ចូលគ្នាអោយសព្វចូលជាតិ ទុកអោយឆ្អិនបន្លែហើយ លើកចេញ ដួសដាក់ចាន និង រោយស្លឹកជីវ៉ាន់ស៊ុយពីលើ រួចជាការស្រេច ។

រក្សាសិទ្ធិដោយ៖  មុខម្ហូបប្រចាំគ្រួសារ