ញាំក្រអៅឈូកសាច់ជ្រូកបង្គាស្រស់
- ក្រអៅឈូក ត្រសក់ ជីរគ្រប់មុខ ខ្ទឹមបារាំង សណ្ដែកដីលីង ខ្ទឹមក្រហម សាច់ជ្រូក បង្គាស្រស់
- ទឹកត្រី ទឹកខ្មេះ អំបិល ស្ករស និងម្សៅស៊ុប។
វិធីធ្វើ៖
1- ក្រអៅឈូកត្រូវយកទៅកាត់ជាកង់ៗប្រមាណ២ថ្នាំងដៃរួចត្បាល់យកសរសៃឆ្មាតូចៗឲ្យស្អាត។
2- ខ្ទឹមបារាំង និងត្រសក់ត្រូវហាន់ជាសរសៃស្ដើងៗ។
3- ជីត្រូវបេះយកស្លឹកល្អៗទុក។
4- សាច់ជ្រូកសាច់សុទ្ធ ឬសាច់បីជាន់ត្រូវស្ងោរឲ្យឆ្អិនដោយដាក់អំបិលមួយចឹបក្នុងទឹក។
5- បង្គាត្រូវស្រុះមួយភ្លែតរួចបកសម្បកចេញឲ្យស្អាត។
6- ខ្ទឹមក្រហមត្រូវបំពងឲ្យឡើងឈ្ងុយ។
7- បន្លែក្រអៅឈូក ត្រសក់ ជីរគ្រប់មុខ និងខ្ទឹមបារាំងត្រូវយកទៅញាំច្របល់ចូលគ្នាក្នុងចានគោមរួចសឹម ស្រោចទឹកត្រី អំបិល ស្ករស និងម្សៅស៊ុបបន្តិចចូល។
8- បន្ទាប់មកអ្នកអាចដួសញាំបន្លែនោះដាក់ចាន រួចរៀបបន្ទះសាច់ជ្រូក និងបង្គាពីលើ។
9- ចុងក្រោយត្រូវរោយសណ្ដែកដីលីង និងខ្ទឹមក្រហម រួចចាក់ទឹកខ្មេះពីលើបន្តិចជាការស្រេច។
*** បរិមាណតិចឬច្រើននៃការដាក់គ្រឿងផ្សំរសជាតិគឺអាស្រ័យលើចំណង់ចំណូលចិត្តរបស់អ្នកទេ។
*** អ្នកដែលចូលចិត្តក្លិនជីរវ៉ាន់ស៊ុយ ក៏អាចបន្ថែមវាពីលើញ៉ាំបន្លែនេះបានដែរ។
Post a Comment