តុងយាំភ្លៅមាន់តាមបែបថៃ
- សាច់មាន់ ៣៥០ ក្រាម (សាច់ភ្លៅ) កាត់ជាដុំតូចល្មម
- ទឹកត្រី ២-៣ ស្លាបព្រាបាយ
- ខ្ទឹមក្រហម ២ ដុំ ចិតជាចំណិតដាក់លីង
- ម្ទេស ២-៤ ផ្លែ (ម្ទេសក្រៀម) ដាក់លីង
- រំដេង ៤-៥ ចំណិត
- ស្លឹកក្រូចសើច ៤ សន្លឹក
- គល់ស្លឹកគ្រៃ ២ គល់ ដុំចិតបញ្ឆិតប្រវែង ៣ ថ្នាំងដៃ
- ផ្សិតចំបើង ២០០ ក្រាម
- ប៉េងប៉ោះទុំ ៣-៤ ផ្លែ ១ ពុះជាបួន
- ទឹកក្រូចឆ្មា ២ ស្លាបព្រាបាយ
- ទឹកអំពិល ២ ស្លាបព្រាបាយ
- ទឹកស្ងោរមាន់ ១ ចាន
- ជីវ៉ាន់ស៊ុយ ១ ក្តាប់
- ប៊ីចេង ១ ចុងស្លាបព្រាកាហ្វេ
វិធីធ្វើ៖
១. មុនដំបូងត្រូវដាក់ដាំឆ្នាំងសម្លរឲ្យពុះ បន្ទាប់មកដាក់ទឹកស៊ុបមាន់ សាច់មាន់ និងទឹកត្រីចូលរួចបន្ថយកំដៅទុកប្រហែល២០នាទី។
២. ២០ នាទីក្រោយមកអ្នកត្រូវដាក់ខ្ទឹមក្រហម, ម្ទេស, គល់ស្លឹកគ្រៃ, រំដេង និងស្លឹកក្រូចហើយ៥នាទីទៀតត្រូវបន្ថែមផ្សិត, ប៉េងប៉ោះ, ទឹកអំពិល, ទឹកក្រូចឆ្មា និងប៊ីចេង។
៣. នៅពេលដែលសម្លរពុះម្តងទៀត (ពុះភ្លាមៗ) អ្នកគ្រាន់តែបន្ថែមជីវ៉ាន់ស៊ុយចូលចុងក្រោយជាកាស្រេច៕
Post a Comment