សម្លរម្ជូរកែងសាច់មាន់

គ្រឿងផ្សំ៖

• សាច់មាន់ ( កាត់ដុំៗ )
• គ្រឿងបុក ( គស់ស្លឹកគ្រៃ រំដេង ស្លឹកក្រូចសើច ខ្ទឹមស )
• ម្ទេសក្រៀម ( ចិញ្ច្រាំអោយម៉ត់ )
• សណ្ដែកដី ( បុកអោយរៀងម៉ត់បន្តិច )
• ម្នាស់ ( ពុះជាបួន កាត់ជាទទឹង )
• ខ្ទិះដូង ( ដើម និង ចុង )
• ទឹកត្រី ស្ករស អំបិល ម្សៅស៊ុប
• ជ ( ចិញ្ច្រាំអោយម៉ត់ )

វិធីធ្វើ៖

1. ដាក់ខ្ទិះដូងដើម ចូលក្នុងឆ្នាំង រំងាស់អោយចេញប្រេងបន្តិច ដាក់ម្ទេសក្រៀមចូល កូរអោយក្រហមបន្តិច ដាក់ប្រហុកចូល កូរបន្តអោយឈ្ងុយ បន្ទាប់មកដាក់គ្រឿងបុក និងសណ្ដែកដី កូរចូលគ្នាអោយឈ្ងុយគ្រឿង
2. បន្ទាប់មកទើបដាក់ សាច់មាន់ ស្ករស ប៊ីចេង ម្សៅស៊ុប ច្របល់ចូលគ្នាអោយសព្វ ( ប្រសិនបើស្ងួតទឹក អាចបន្ថែមខ្ទិះចុងចូលបន្តិច ) បន្តរំងាស់អោយឆ្អិនសាច់បន្តិច ទើបដាក់ខ្ទិះចុងចូល ទុកអោយពុះ ទើបដាក់ ម្នាស់ និង អំពិលទុំចូល ហើយភ្លក់មើលអោយល្មម តាមការចូលចិត្ត បន្តរំងាស់អោយរៀងឆ្អិនបន្លែហើយ រួចជាការស្រេច ។

រក្សាសិទ្ធិដោយ៖  មុខម្ហូបប្រចាំគ្រួសារ