សាច់មាន់ឆាទំពាំង

សម្លរឆា, សាច់មាន់

សាច់មាន់ឆាទំពាំង ក៏ជាម្ហូបមួយមុខដែលងាយស្រួលក្នុងការធ្វើសម្រាប់មេផ្ទះគ្រប់រូប ហើយក៏មានរស់ជាតិឆ្ងាញ់ពិសារផងដែរ។ ដើម្បីឲ្យម្ហូបមួយមុខនេះកាត់តែមានរស់ជាតិឈ្ងុយឆ្ងាញ់ សូមប្រិយមិត្តធ្វើឲ្យផ្សំគ្រឿងឲ្យបានគ្រប់គ្រាន់ ដូចអ្វីដែលបានបង្ហាញខងក្រោម។

គ្រឿងផ្សំ៖

សាច់មាន់ ៣០០ ក្រាម ហាន់ជាចំណិតៗ
ទំពាំង ៤០០ ក្រាម ចិតជាសរសៃវែងៗប្រហែល ២-៣ ថ្នាំងដៃ
ខ្ទឹមស ៤ កំពឹស ចិញ្ច្រាំ
ទឹកត្រី ១ ស្លាបព្រាបាយ
ប្រេងខ្យង ១ ស្លាបព្រាបាយ
ស្ករស ២ ស្លាបព្រាបាយ
ម្រេច ១ ស្លាបព្រាកាហ្វេ
ស្លឹកខ្ទឹម ២ ដើមហាន់តូចៗ
ប្រេងឆា ៤ ស្លាបព្រាបាយ
ម្ទេសក្រហម ៥-៦ ចំណិតចិតជាចិណិតវែងៗ

វិធីធ្វើ៖ ជា ដំបូងអ្នកត្រូវដាក់ប្រេងឆាក្នុងខ្ទះឲ្យក្តៅ បន្ទាប់មកដាក់ខ្ទឹមសចូលបំពងឲ្យឈ្ងុយ ទើបដាក់សាច់មាន់ចូលឆាត្រឡប់ឲ្យ ឆ្អឹនបន្តិច រួចបន្ថែមម្រេច ទឹកត្រី ស្ករស ប្រេងខ្យង និងទំពាំង បន្ទាប់មកឆាត្រឡប់ឲ្យសប ទើបដាក់ ម្ទេសក្រហម និងស្លឹកខ្ទឹមបន្ថែមតាមក្រោយជាការស្រេច៕

No comments

Subscribe to: Post Comments ( Atom )