យើងខ្ញុំមានមុខម្ហូបសម្លរម្ជូរយួនសាច់មាន់យកមកជំរាបជូន
និងបង្ហាញដល់បងៗ ស្ត្រីមេផ្ទះដែលខុសប្លែកពីសម្លរម្ជូរគ្រឿង
និងសម្លរម្ជូរធម្មតា។
- គ្រឿងផ្សំ៖
- សាច់មាន់ ៤០០ ក្រាម ហាន់ជាដុំៗតូចល្មម
- ខ្ទឹមស ៦ កំពឹស(បំពងឲ្យឈ្ងុយ)
- ម្អម ១ កូនជង ហាន់ឲ្យល្អិតៗ
- ត្រឡាច ១ ផ្លែ (តូចល្មម) ចិតជាដុំតូចៗ
- ប៉េងប៉ោះ ៤ ផ្លែ (ចិតជា៤ចំណិត)
- ស្លឹកខ្ទឹម ២ ដើម កាត់ជាកង់ៗ ២ ថ្នាំងដៃ
- ផ្សិត ២០០ ក្រាមចិតជាចំណិតៗ
- ម្នាស់ មួយចំហៀងកាត់ជាដុំៗ
- ក្រអៅឈូក ៥ ដើមកាត់កង់ៗប្រហែល ២ ថ្នាំងដៃ
- ម្សៅស៊ុប ១ ស្លាបព្រាបាយ
- ទឹកត្រី ២ ស្លាបព្រាបាយ
- ស្កសរ កន្លះស្លាបព្រាបាយ
- អំបិល ១ ស្លាបព្រាកាហ្វេ
- ស៊ុត ៩ គ្រាប់ បកសំបកចេញឲ្យស្អាត
- ដុំស៊ុបតុងយាំ ១ ដុំ
- វិធីធ្វើ៖
- ជាការចាប់ផ្តើមអ្នកត្រូវដាក់ឆ្នាំងដាំទឹកឲ្យពុះ
បន្ទាប់មកទើបអ្នកដាក់សាច់មាន់ និងម្សៅស៊ុបចូលរួចក៍គ្របសិន។
- នៅពេលដែលទឹកពុះអ្នកត្រូវដាក់ម្នាស់
- ត្រឡាច និងប៉េងប៉ោះរួចហើយក៍គ្របម្តងទៀត។
- នៅពេលដែលទឹកពុះម្តងទៀតត្រូវដាក់ផ្សិត,
ទឹកត្រី,ស្កសរ,អំបិល,ដុំស៊ុបតុងយាំ,ក្រអៅឈូក, ស៊ុត
និងខ្ទឹមបំពងគ្របមួយសន្ទុះប្រហែលជា ១០,១៥
នាទីចាំអ្នកបង់ម្អមចូលជាការស្រេច។
Post a Comment