មុខម្ហូបដែលមយើងខ្ញុំលើកយកមកជំរាបជូនដល់ប្រិយមិត្តនៅ
ថ្ងៃនេះ ប្រហែលជាប្លែកបន្តិច
ពីព្រោះវាជាម្ហូបមួយមុខរបស់ថៃ
ដែលគេយកស្ពៃក្តោបមករុំជាមួយសាច់ជ្រូកចិញ្ច្រាំហើយគេ
ឲ្យឈ្មោះថា ស្ងោរស្ពៃក្តោបស្នូលសាច់ជ្រូកចិញ្ច្រាំ។
- គ្រឿងផ្សំ៖
- ស្ពៃក្តោប ៣០០ ក្រាមពុះជាពី បកចេញជាស្រទាប់ៗលាងទឹកឲ្យស្អាត
- សាច់ជ្រូក ៤០០ ក្រាមចិញ្ច្រាំឲ្យម៉ត់
- ស្លឹកខ្ទឹម ៣ ដើមកាត់យកតែស្លឹកទុកទាំងវែង
- ផ្សិត ២០០ ក្រាម (ផ្សិតចិន) ពុះជាពីរ
- ការ៉ុត ១ មើមកាត់ទទឹងជាចំណិតៗ ឬចិតជាក្បាច់រឹតតែល្អ
- ស្ករស ១ ស្លាបព្រាកាហ្វេ
- ទឹកស៊ីអ៊ីវ ១ ស្លាបព្រាកាហ្វេ
- ប្រេងខ្យង ១ ស្លាបព្រាកាហ្វេ
- ទឹកត្រី ២ ស្លាបព្រាកាហ្វេ
- ម្រេច កន្លះស្លាបព្រាបាយ
- អំបិល ១ ស្លាបព្រាកាហ្វេកន្លះ
- ខ្ទឹមស ៣ កំពឹសចិញ្ច្រាំ
- ជីវ៉ាន់ស៊ុយ ៤ ដើម ២ដើមហាន់តូចៗ ២ ដើមទុកដាក់ក្នុងឆ្នាំងសម្លរ
វិធីធ្វើ៖
- ជាដំបូងត្រូវដាំទឹកស្រស់ស្ពៃក្តោប និងស្លឹកខ្ទឹមជាមុនសិន
ពេលដែលទឹកពុះអ្នកត្រូវដាក់អំបិល ១
ស្លាបព្រាកាហ្វេចូលក្នុងទឹកដែលកំពុងពុះនោះ
បន្ទាប់មកដាក់ស្ពៃក្តោប និងស្លឹកខ្ទឹមចូលទុកប្រហែលជា ៣០
វិនាទី ទើបស្រង់ចេញដាក់ចូលក្នុងទឹកត្រជាក់រួច
ហើយក៍ស្រង់ពីទឹកត្រជាក់ទុកមួយផ្នែកសិន។
- អ្នកត្រូវយកចានគោមធំមួយដើម្បីដាក់ប្រឡាក់សាច់ជ្រូកចិញ្ច្រាំ
ដែលមានគ្រឿងផ្សំដូចជាៈ ជីវ៉ាន់ស៊ុយដែលបានហាន់តូចៗ, ខ្ទឹមស, ម្រេច,
ស្ករស, ទឹកស៊ីអ៊ីវ, ប្រេងខ្យង និងទឹកត្រី ១ ស្លាបព្រាកាហ្វេ
រូចកូរបញ្ចូលគ្នារហូតទាក់តែគ្រឿងចូលបានសប់ល្អ។
- យកស្ពៃក្តោបដែលបានស្រស់រួចពន្លារឲ្យរាបបន្ទាប់មកដាក់សាច់
ជ្រូកដែលបានផ្សំគ្រឿងរួច ១
ស្លាបព្រាបាយដាក់នៅចំហៀងស្ពៃរួចក៍មូរហើយយកស្លឹកខ្ទឹមចងឲ្យ
ជាប់ទុកមួយផ្នែកសិន។
- យកឆ្នាំងដាក់ដាំទឹកឲ្យពុះដាក់ដើមជីវ៉ាន់ស៊ុយ, ការ៉ុត, ផ្សិត, អំបិល
កន្លះស្លាបព្រាកាហ្វេ
និងស្ពៃក្តោបដែលបានរុំសាច់ជ្រូកចូលទៅក្នុងឆ្នាំងរួចគ្រប ១០-១៥
នាទី ឬរហូតទាល់តែឆ្អិនជាការរួចរាល់៕
វីដេអូ ស្ងោរស្ពៃក្តោបបែបថៃ៖
Post a Comment