ឆាឆ្អឹងជំនីរជ្រូកជូរអែមក្នុងម្នាស់
- ឆ្អឹងជំនីរជ្រូក ខ្ទឹមបារាំង ម្ទេសប្លោកហាវ៉ៃបៃតង និងក្រហម ប៉េងប៉ោះ ខ្ទឹមស ម្នាស់
- ទឹកប្រេងខ្យង ស្ករស ម្សៅស៊ុប អំបិល ទឹកត្រី ប្រេងឆា និងម្សៅឆា។
វិធីធ្វើ៖
1- ដំបូងត្រូវយកឆ្អឹងជំនីរជ្រូកលាងទឹកឲ្យស្អាត រួចកាត់ជាកង់ៗប្រមាណ២ថ្នាំងដៃហើយទុកមួយអន្លើសិន។
2- បន្ទាប់មកត្រូវយកឆ្អឹងជំនីរជ្រូកនោះទៅប្រឡាក់គ្រឿងរួមមាន ម្សៅស៊ុប ស្ករស ប្រេងខ្យង និងអំបិល រួចយកទៅបំពងជាមួយប្រេងឆាឲ្យឡើងក្រហម។
3- ឆ្អឹងជំនីរជ្រូកដែលបំពងរួចត្រូវដាក់ឲ្យស្រក់ខ្លាញ់អស់។ បន្លែ ខ្ទឹមបារាំង ម្ទេសប្លោកហាវ៉ៃបៃតង និងក្រហម ប៉េងប៉ោះ ត្រូវហាន់ជាចំណិត ហើយឆាជាមួយគ្រឿង លាយម្សៅឆាឲ្យឡើងខាប់មុននឹងចាក់ឆ្អឹងជំនីរបំពងចូល រួចដួសដាក់ក្នុងម្នាស់ជាការស្រេច។
Post a Comment