ញាំកំពិសត្រួយអំពិល

គ្រឿងផ្សំ៖
- កំពិស កាត់ព្រុយចេញអោយស្អាត ( យកកំពិសតូចៗល្មម )
- ត្រួយអំពិល
- ប្រហុក
- ស្ករស ម្សៅស៊ុប ទឹកត្រី
- ខ្ទឹមស ខ្ទឹមក្រហម ម្ទេស ចិញ្ច្រាំអោយម៉ត់
- ជីនាងវង ជីបន្លា ម្អម ហាន់តូចៗ

វិធីធ្វើ៖
- យកកំពិសទៅលីង ដោយដាក់ ម្សៅស៊ុប បន្តិច លីងអោយស្ងួត រួចដួសទុកមួយអន្លើរ
- ប្រហុកយកទៅដាក់ដាំជាមួយទឹកអោយឆ្អិន ( ទឹកតែបន្តិចបានហើយ )
- យកចានថ្មីមួយ មកដាក់ខ្ទឹមស ខ្ទឹមក្រហម ម្ទេស ទឹកប្រហុក ស្ករស ម្សៅស៊ុប ទឹកត្រី រួចច្របល់ចូលគ្នាអោយសព្វ ( អាចភ្លក់មើលបន្តិច អោយល្មម ) បន្ទាប់មកដាក់កំពិស ហើយច្របល់ចូលគ្នា ទើបដាក់ត្រួយអំពិលច្របល់ចូលគ្នាអោយសព្វចូលជាតិ រួចភ្លក់មើលអោយល្មម តាមការចូលចិត្ត
- រួចដាក់ ស្លឹកជីនាងវង ជីវន្លា និងម្អមច្របល់ចូលគ្នាអោយសព្វ រួចជាការស្រេច ។

រក្សាសិទ្ធិដោយ៖  មុខម្ហូបប្រចាំគ្រួសារ