របៀបឆាខ្ញីឆ្អឹងខ្ចីជំនីរជ្រូក
- ឆ្អឹងជំនីរជ្រូក (ជាប់ឆ្អឹងខ្ចី)
- ខ្ញីចាស់ ស្លឹកក្រូចសើច ស្លឹកខ្ទឹម ខ្ទឹមស ម្ទេស
- ទឹកត្រីកោះកុង ប្រេងឆា ម្សៅស៊ុប ស្ករស និងអំបិល។
វិធីធ្វើ៖
1- ចំពោះវិធីចម្អិនវិញគឺដំបូងខ្ញីត្រូវហាន់ជាសរសៃស្ដើងវែងៗ រួចយកទៅបំពងជាមួយប្រេងឆា រួចសឹមស្រង់វាទុកមួយអន្លើ។
2- ឆ្អឹងជំនីរជ្រូកត្រូវកាត់ជាកង់ៗ ហើយប្រឡាក់ជាមួយខ្ទឹមសចិញ្ច្រាំ ព្រមទាំងគ្រឿងផ្សំរសជាតិមាន ម្សៅស៊ុប ស្ករស និងអំបិល តែបន្តិចបន្តួចប៉ុណ្ណោះ ហើយផ្អាប់ទុកមួយសន្ទុះ។
3- បន្ទាប់មកដាក់ខ្ទះឲ្យក្ដៅ រួចចាក់ប្រេងឆាជាមួយខ្ទឹមសចិញ្ច្រាំ។
4- ឆាឆ្អឹងជំនីរជ្រូកដោយបន្ថែមទឹកបន្តិចដើម្បីកុំឲ្យវាខ្លោច។
5- ពេលដែលឆ្អឹងជំនីរឆ្អិន ចាប់ផ្ដើមដាក់ខ្ញីបំពងចូល រួចបន្តរំលីងឲ្យស្ងួត សឹមដាក់ស្លឹកក្រូចសើច គល់ខ្ទឹម និងម្ទេស ហើយដួសដាក់ចាន។
+++ ចំពោះវិធីលាយទឹកត្រីកោះកុងនោះ គឺដំបូងត្រូវបុកខ្ទឹមសឲ្យច្រើន ជាមួយនឹងម្ទេសស្រស់ ហើយច្របាច់ក្រូចឆ្មារ មុននឹងចាក់ទឹកត្រី និងស្ករសកូរឲ្យសព្វជាការស្រេច។
*** ឆ្អឹងជំនីរជ្រូកខ្ចីឆាខ្ញីនេះអាចទទួលទានជ្រលក់ជាមួយទឹកត្រីកោះកុង៕
ប្រភពពី ៖ cool1007
Post a Comment